Transcription
1
Reçue à Embrun
2
Messieurs, combien que je soye certain que monsieur de Gordes
3
vous ara faict entendre la prinse du Pousin par les annemis
4
et les desseins qu’il[s] ont de se saisir en Dauphiné de ce qu’ilz pourront,
5
je vous diray d’abundant qu’il[s] ont une entreprinse sus votre ville
6
de telle fason qu’il la tienent executer quand il[s] voudront
7
et n’eustes jamais à faire cy bone garde que vous avés
8
à present et regarder bien de qui vous vous fyés et croyés
9
que je [ne] vous dictz pas cecy sans en estre bien certain ; et
10
asseurés vous que cy vous n’avés loelh ouvert que vous
11
recepvrés ung mal irreparable. Je vous heusse despeché
12
ung home dexprès sans le despart de ce porteur et
13
advertissés vous voisins. L’asseurance que j’ey que vous
14
sarés bien pourveoir estant advertis qu’il ne vous mes
15
adviendra, me gardera vous fère ceste plus longue et
16
par la fin, je prie Dieu après m’estre recommandé à voz
17
bones graces, vous donner,
18
messieurs en très bone santé, longue vye. Du Montelleymar,
19
ce Xe mars 1573.
20
Votre très affectioné amy et bon voysin
21
Rousset